Bıyl qazaqstandyq áýekompanııalar 2,7 mln jolaýshyny tasymaldady - mınıstrlik
ASTANA. QazAqparat – Bıylǵy jyldyń alǵashqy úsh aıynda qazaqstandyq áýekompanııalar 2,7 mln adamdy tasymaldaǵan, dep habarlaıdy QazAqparat tilshisi.
Indýstrııa jáne ınfraqurylymdyq damý mınıstrliginiń resmı saıtynda jarııalanǵan málimetke sáıkes, bıyl birinshi toqsanda qazaqstandyq áýekompanııalar 2,7 mln jolaýshyny tasymaldaǵan. Al, osy aralyqta otandyq áýejaılar shamamen 5 mln adamǵa qyzmet kórsetti. Jyldyń alǵashqy toqsanynda tasymaldanǵan júkter kólemi - 5,9 myń tonna.
Eske salaıyq, Indýstrııa jáne ınfraqurylymdyq damý vıtse-mınıstri Almaz Ydyrysov 2022-2023 jyldary reısti keshiktirgen áýekompanııalarǵa jalpy somasy 25,2 mln teńgeni quraıtyn 9 ákimshilik aıyppul salynǵanyn málim etti.
Qosa ketsek, taıaýda áýe arqyly júk tasymaldaıtyn iri Cargolux kompanııasynyń ushaqtary Qazaqstanǵa reıs jasap bastady.
