Bıyl qazaqstandyq 40 eski fılm mereıtoılaryn atap ótedi

dep habarlandy Sháken Aımanov atyndaǵy «Qazaqfılm» ulttyq kınostýdııasynyń baspasóz qyzmetinen.

55 jyldyq mereıtoılaryn Májıt Begalınniń «Onyń ýaqyty keledi» fılmi men kórermenderdiń kózaıymyna aınalǵan Sháken Aımanovtyń «Bizdiń súıikti dáriger» týyndysy atap ótse, rejısser Ábdolla Qarsaqbaevtyń «Alpamys mektepke barady» kartınasy men  Eldor Orazbaevtyń «Transsibir ekspresi» 35 jyldyqtaryn toılaıdy. Sondaı-aq M. Begalınniń «Artymyzda Máskeý» týyndysyna bıyl 45 jyl bolady.

Sondaı-aq 20-dan astam anımatsııalyq týyndy óz mereıtoılaryn atap ótýde. Olardyń ishinde rejısser Ámen Qaıdardyń «Qarlyǵashtyń quıryǵy nege aıyr» alǵashqy qazaqstandyq mýltfılmi de bar. Bul týyndynyń tusaýkeseri 1967 jyldyń qyrkúıek aıynda ótken bolatyn. Mýltfılm álemniń 48 elinde kórsetildi.