Bıyl Qazaqstandaǵy astyq shyǵymdylyǵyna jaqsy alǵysharttar bar - Úkimet basshysy
ASTANA. 10 naýryz. QazAqparat /Rýslan Ǵabbasov/ - Úkimet basshysy Kárim Másimovtiń paıymdaýynsha, bıyl Qazaqstandaǵy astyq shyǵymdylyǵyna jaqsy alǵysharttar bar.
Bul jaıynda Premer-Mınıstr búgin selektorlyq rejımdegi Úkimet otyrysynda aıtty.
K. Másimov kóktemgi egis naýqanyna daıyndyq deńgeıi joǵary ekenin aıta kele, osy oraıda barlyq jaýapty vedomstvolar men ákimdikterdiń de daıyndyǵy tıisti deńgeıde ekenin jetkizdi. «Egis jumystary sátti ótedi degen úmittemiz. Astyq shyǵymdylyǵy turǵysyndaǵy alǵysharttar da joǵary. Osy oraıda endi barlyq josparlardy aıaǵyna deıin jetkizýimiz shart»,-dep túıindedi Premer-Mınıstr.
Aıta keteıik, búgingi Úkimet otyrysynda málim bolǵanyndaı kóktemgi egis naýqanyna qatysatyn tehnıkanyń qazirgi kezde 88 paıyzy ázirlendi. A. Kúrishbaevtyń atap ótýinshe, dándi-daqyldardyń 8,1 mln. gektary nemese jartysyna jýyǵy ozyq tehnologııa keshenderiniń kómegimen sebiledi.
