Bıyl Qazaqstanda jol-kólik apattary kóbeıdi

NUR-SULTAN. QazAqparat – Qazaqstanda jol-kólik apattarynyń sany kóbeıdi. Bul týraly QR Іshki ister mınıstrligi Ákimshilik polıtsııa komıteti tóraǵasynyń mindetin atqarýshy Jandos Muratálıev málim etti, dep habarlaıdy QazAqparat tilshisi.

«Elimizdiń joldarynda azamattardyń ómiri men densaýlyǵyn saqtaý Іshki ister mınıstrliginiń birinshi kezektegi mindetteriniń biri bolyp otyr. Ony júzege asyrý úshin jol júrisi qaýipsizdiginiń deńgeıin arttyrý boıynsha uıymdastyrýshylyq, praktıkalyq jáne quqyqtyq sharalar kesheni qabyldanyp jatyr», - dedi J. Muratálıev mınıstrlikte ótken brıfıngide.

Onyń aıtýynsha, bıyl elimizde barlyq kórsetkishteri boıynsha apattylyqtyn óskeni baıqalady. Jol-kólik oqıǵalarynyń sany boıynsha 9 paıyzǵa, onyń saldarynan qaıtys bolǵandardyń sany 17 paıyzǵa, jaraqat alǵandardyń sany 9 paıyzǵa ósken.

Budan buryn habarlanǵandaı, búgin vedomstvoda ótken brıfıngide apta ishinde elimizde 3,4 myń qylmys tikelgeni aıtyldy.