Bıyl Qazaqstanda jol apatynan 300-den asa adam opat boldy

ASTANA. QazAqparat - QR Bas prokýratýrasy Quqyqtyq statıtıska jáne arnaıy esepke alý jónindegi komıtetiniń málimetine sáıkes, respýblıka boıynsha 2015 jyldyń qańtar jáne aqpan aılarynda 2351 jol-kólik oqıǵasy (JKO) tirkeldi.

Bul rette, JKO saldarynan 307 qaza bolǵandardyń arasynda 25-i kámeletke tolmaǵandar. Al 2 951 jaraqat alǵandardyń ishinde 452-i kámeletke tolmaǵandar. JKO-da eń kóp qaza tapqandar sany Almaty (63 adam), Ońtústik Qazaqstan (47), Jambyl (33) oblystarynda tirkeldi. Atap aıtqanda, eldi mekenderde -1859, halyqaralyq jáne respýblıkalyq mańyzy bar joldarda - 212, oblystyq, aýdandyq mańyzy bar joldarda - 129 jol-kólik oqıǵalary jasalǵan.

Eń qaýipti Almaty qalasynyń joldary bolyp otyr, onda adamdardyń opat bolýyna jáne jaraqat alýyna alyp kelgen 720 JKO boldy, sondaı-aq Ońtústik Qazaqstan - 331, Almaty - 246, Shyǵys Qazaqstan oblystarynda - 195 JKO bolǵan.

Statıstıka kórsetip otyrǵandaı, jol apattarynyń sebepteri ózgerissiz kúıinde qalyp otyr. Burynǵysynsha JKO kóbinese Jol qozǵalysy erejelerin óreskel buzatyn júrgizýshilerdiń kinásinen oryn alýda. Máselen, júrgizýshilerdiń kinásinen 2203 jol apaty bolǵan.