Bıyl Qazaqstanda jol apaty saldarynan 21 myń adam zardap shekti
QR Bas prokýratýrasy Quqyqtyq statıstıka jáne arnaıy esepke alý jónindegi komıteti málimetine qaraǵanda, bıylǵy jyl elimizdiń joldarynda 14 728 jol-kólik oqıǵasy bolyp, onda 21 070 adam zardap sheken, onyń ishinde 1958 adam kóz jumdy. JKO saldarynan 3587 kámeletke tolmaǵan bala jaraqat alyp, olardyń 195-i qaza tapty.
Jol apattarynyń sebepteri ózgermegen, jalpy JKO-nyń basym bóligi júrgizýshilerdiń kinásinen oryn aldy, onyń ishinde 505-i alkogoldik jáne esirtkilik mas kúıinde boldy.
«Qoǵamdyq kóliktiń qatysýymen 885 JKO bolyp, onda 79 adam qaza boldy, 1240-y jaraqattandy. 594 jaǵdaıda avtobýs júrgizýshisiniń kinásinen, onyń 6-sy JKO bolǵan kezde alkogoldik mas kúıinde bolǵan»,-delingen komıtet habarlamasynda.
JKO-nyń 30 paıyzy Almaty qalasynda oryn alyp otyr. Apattylyq jaraqattanýdyń ósýi osy jyly Jambyl jáne Almaty oblystarynda baıqaldy. Adamdardyń ómirine jáne densaýlyǵyna saldaryn tıgizgen JKO faktileriniń azaıýy Atyraý, Mańǵystaý, Soltústik Qazaqstan oblystarynda tirkeldi.