Bıyl Qazaqstanda jetim balalarǵa 509 páter bólinedi
ASTANA. QazAqparat - 2014 jyly jetim balalarǵa 509 páter bólý josparlanýda. Bul týraly búgin QR Bilim jáne ǵylym mınıstriniń orynbasary Esenǵazy Imanǵalıev QR Úkimeti janyndaǵy kámeletke tolmaǵandar isi jáne olardyń quqyqtaryn qorǵaý jónindegi vedomstvoaralyq komıssııanyń kekzekti 14-otyrysy kezinde aıtty.
«Bıylǵy jyldyń birinshi toqsanynda josparlanǵan 509 páterdiń 359-y (70,5%) jetim balalarǵa berildi. Eń kóp páter Ońtústik Qazaqstan (109), Aqmola (96), Jambyl (69), Batys Qazaqstan (40), Soltústik Qazaqstan (18), Qyzylorda (17), Qostanaı (10) oblystarynda tapsyrylǵan», - dep atap ótti E.Imanǵalıev.
Onyń aıtýynsha, Qostanaı, Pavlodar jáne Ońtústik Qazaqstan oblystary ákimdikteriniń balalar úıinen túlep shyqqan jastardy «Jumyspen qamtý - 2020» jáne «Dıplommen aýylǵa» baǵdarlamalary arqyly baspanamen jáne jumyspen qamtamasyz etý tájirıbeleri nazar aýdararlyq.
«Qazirgi kezde atalǵan baǵdarlamaǵa 588 jetim bala qatysýda. Dálirek aıtsaq, Qostanaı (58), Pavlodar (55) jáne Ońtústik Qazaqstan (85) jáne basqa da oblystardan shyqqan jetim balalar basqa jerge aýysýǵa sýbsıdııa alyp, jumyspen jáne baspanamen qamtyldy», - dedi E. Imanǵalıev.
