Bıyl Qazaqstanda janýarlar men qustarǵa 150 mln-nan astam ekpe salynady
«Janýarlardyń asa qaýipti aýrýlarynyń aldyn alý jáne dıagnostıkalaý jónindegi veterınarııalyq is-sharalar josparyna sáıkes, 2021 jyly janýarlar men qustardy vaktsınalaý boıynsha 151 mln-nan astam manıpýlıatsııa, sondaı-aq 68 mln-nan astam dıagnostıkalyq zertteýler júrgiziletin bolady.
Qazaqstan aýmaǵyn basqa memleketterden janýarlardyń juqpaly jáne ekzotıkalyq aýrýlarynyń taralýynan qorǵaý, veterınarııalyq-sanıtarııalyq qaýipsizdikti qamtamasyz etý, halyqtyń densaýlyǵyn janýarlar men adamǵa ortaq aýrýlardan qorǵaý úshin respýblıkanyń veterınarııalyq qyzmeti veterınarııalyq-profılaktıkalyq is-sharalar uıymdastyryp, maldy ýaqtyly dıagnostıkalaý jáne vaktsınalaý jumystaryn júrgizedi», delingen habarlamada.
QR Aýyl sharýashylyǵy mınıstrliginiń veterınarlyq baqylaý jáne qadaǵalaý komıteti osyǵan baılanysty jyl saıynǵy ımmýndyq aldyn alý is-sharalaryn júrgizý úshin sertıfıkattalǵan veterınarııalyq preparattarmen qamtamasyz etedi.
«Halyqaralyq Epızootııalyq bıýronyń tizilimine túrli aýrýlar men ınfektsııalardyń 88 túri engizilgen. Qazaqstandyq tizilimde tek 68 túri tirkelgen. Olar bizdiń elimizde Keńes odaǵy kezinen beri kele jatyr.
Qazirgi ýaqytta onyń 45 túri boıynsha epızootııalyq jaǵdaıy turaqty. Al, 23 túrine dıagnostıka jáne vaktsınalaý boıynsha arnaıy veterınarııalyq-profılaktıkalyq is-sharalar júrgizilip jatyr.
Onyń ishinde janýarlar men qustardy vaktsınalaý boıynsha 151,1 mln manıpýlıatsııa, sondaı-aq 68,1 mln dıagnostıkalyq zertteýler júrgizý josparlanyp otyr», delingen habarlamada.
Mnıstrliktiń habarlaýynsha, tıisti jumysty jergilikti atqarýshy organdar janyndaǵy memlekettik veterınarııalyq uıym bıyl aqpan-naýryz aılarynda bastaıdy.