Bıyl Qazaqstanda úshinshi synypty bıdaı baǵasy 42 myń teńgeden kem bolmaıdy
«Aǵymdaǵy jyly úshinshi synypty bıdaı baǵasy 42 myń teńgeden tómen bolmaıdy. Bundaı baǵa deńgeıi kezdeısoq qoıylyp otyrǵan joq ári ony ákimshilik jolmen bekitý nemese ustap turý da múmkin emes. Al bul baǵanyń qalyptasýyna negizinen astyq ónimin durys josparlaý, ıaǵnı oǵan tıimdi suranys nátıjesinde oryn alady», - dedi Asyljan Mamytbekov.
Onyń sózine qaraǵanda, aǵymdaǵy jyly Qazaqstannyń ishki naryǵyndaǵy bıdaı baǵasy álemdik deńgeıden joǵary bolyp otyr. «Bunyń ózi buǵan deıin tereńkontınentaldyq ornalasý faktory elimizge jaǵymsyz áser tıgizip kelse, ony jaǵymdy jaqqa qaraı burýǵa bolatynyn kórsetedi. Sonymen qatar, biz astyq satyp alatyn kórshiles elderimizdiń suranysyn da oryndy paıdalanýǵa tıispiz, ol elderge Qazaqstannan basqa naryq alysta ornalasqan», - dedi A. Mamytbekov.