Bıyl Qazaqstanda turǵyn úıdi saýdalaýdyń kelisimsharttary 71 myńnan asty
ASTANA. QazAqparat - 2014 jylǵy qańtar-maýsymda Qazaqstanda turǵyn úıdi satyp alý-satý kelisimsharttarynyń sany 71 332-ge jetti. Bul týraly QR Statıstıka agenttiginen habarlandy.
Atap aıtqanda, 2014 jylǵy maýsymda turǵyn úıdi satyp alý-satýdyń tirkelgen mámileleriniń sany 12 806-ny qurady jáne ótken aımen salystyrǵanda bul kórsetkish 7 paıyzǵa ósti.
2014 jylǵy qańtar-maýsymda turǵyn úıdi satyp alý-satý kelisimderiniń kólemi ótken jylǵy tıisti kezeńmen salystyrǵanda 14,8 paıyzǵa azaıdy.
Maýsymda baspana saýdalaýdyń joǵary kórsetkishteri Almaty qalasynda (1 530), Shyǵys Qazaqstan (1 394 kelisimshart), Qaraǵandy (1 349), Ońtústik Qazaqstan (1 205) jáne Almaty (1 122) oblystarynda tirkeldi.
