Bıyl Qazaqstanda temir jol kólikterin qurastyrý salasyndaǵy ónimderdiń eksporttyq kólemi 100 mln. dollarǵa jetedi
Aldaǵy ýaqytta da bul kórsetkishtiń eselene túsetindigine senim mol. Óıtkeni qazirdiń ózinde lokomotıvterdi oqshaýlaýdy 55 paıyzǵa deıin, júk vagondaryn shyǵarýdy 90 paıyzǵa deıin arttyrý josparlanyp otyr.
Jalpy, elimizde qolǵa alynǵan Indýstrıalandyrý baǵdarlamasynyń nátıjesinde respýblıkada mashına jasaý óndirisiniń kólemi 2,8 esege artqan bolatyn. Máselen, bul salanyń óndiris kólemi 2008 jyly ne bári 301,4 mlrd. teńgeni qurasa, al 2013 jyly sala kórsetkishi 853,9 mlrd. teńgege jetti. 5 jyl ishindegi mashına jasaý salasyndaǵy naqty ósim 175,1 paıyzdy qurady.
Atalǵan saladaǵy eńbek ónimdiligi de kóterilip keledi. 5 jyldyń ishinde ol 2,2 esege artyp, 24,3 mlrd. dollardy qurady. 2013 jyly salanyń negizgi kapıtalyna salynǵan ınvestıtsııa kólemi 47,5 mlrd teńgeni qurady, bul 2008 jyldan 3,4 esege artyq.
Aıta keterligi, ótken jyly mashına jasaý eksporty 1,3 mlrd. AQSh dollaryn quraǵan edi.
