Bıyl Qazaqstanda taǵy úsh vızıt-ortalyq ashylady

NUR-SULTAN. QazAqparat – Mádenıet jáne sport mınıstrligi bıyl «Ulytaý», «Gaýhar ana» jáne «Saýran» mýzeı-qoryqtarynyń vızıt-ortalyǵynyń qurylysyn aıaqtaýdy josparlap otyr, dep habarlaıdy QazAqparat tilshisi.

«Іs júzinde elimizdiń barlyq jetekshi mýzeı-qoryqtarynyń aýmaǵynda vızıt-ortalyqtardyń qurylysy júrip jatyr. 2019 jyly Túrkistan oblysyndaǵy «Otyrar» jáne Almaty oblysyndaǵy «Tańbaly» vızıt-ortalyǵynyń qurylysy aıaqtaldy. Bıyl «Ulytaý», «Gaýhar ana» jáne «Saýran» mýzeı-qoryqtarynyń vızıt-ortalyǵynyń qurylysyn aıaqtaýdy josparlap otyrmyz. 2021 jyldan bastap «Ordabasy» men «Esikti» iske qosamyz», - dedi Mádenıet jáne sport mınıstri Aqtoty Raıymqulova mınıstrliktiń keńeıtilgen alqa otyrysynda.

Mınıstrdiń aıtýynsha, týrıstik qyzyǵýshylyqty damytýdyń tirek núkteleri retindegi vızıt-ortalyqtardyń qurylysy jergilikti deńgeıde júrgizilip jatyr. Bul sapar-ortalyqtar óńirdiń tarıhı-mádenı murasyn qazaqstandyq jáne sheteldik azamattar arasynda ilgeriletýge yqpal etetin bolady.