Bıyl Qazaqstanda salynyp jatqan nemese jóndelip jatqan joldarda 93 myń adam eńbek etken - Á.Qusaıynov
ASTANA. 22 qarasha. QazAqparat /Aıdar Ospanalıev/ - Kólik joldary qurylysy men jóndeý salasynda biz bıyl úlken jetistikterge qol jetkizdik. Jyl sońyna deıin biz 655 shaqyrym jol salyp, keıbir aımaqtarda olardy qaıta jóndeýden ótkizdik. Bul týraly búgin Kólik jáne kommýnıkatsııa mınıstri Ábilǵazy Qusaıynov Avtomobıl joldary komıtetiniń jumysyn qorytyndylaýǵa arnalǵan májilis barysynda málim etti.
Onyń sózine qaraǵanda, bıylǵy jyly avtomobıl joldary salasyna bólingen qarjy kólemi 219 mıllıard teńgeni qurady. Atalmysh qarjyǵa 4 myń 950 shaqyrym jol barlyq jóndeý sharalarymen qamtyldy. Elimizdiń joldarynda bıyl 93 myń adam jumys istegen. «Bul oraıda aldaǵy jyldan bastap elimizdiń basqa aımaqtarynda da jol qurylysy jumystarynyń keńeıtilýine baılanysty biz atap ótken kórsetkishtiń óse beretindigin atap ótken jón. Bul rette tek «Batys Eýropa-Batys Qytaı» jobasynyń ózinde eńbektenetin azamattar sany 50 myńǵa deıin ósedi», dedi mınıstr.
