Bıyl Qazaqstanda polımerlerdi óndiretin zaýyt iske qosylady - V. Shkolnık

ASTANA. QazAqparat - Bıyl Qazaqstanda polımerlerdi shyǵaratyn zaýyt iske qosylady. Bul týraly búgin QR Parlamenti Májilisindegi parlamenttik tyńdaýda QR Energetıka mınıstri Vladımır Shkolnık málim etti.

«Otandyq munaı-gaz hımııalyq ónerkásibi qalyptasý kezeńinde. Aqtaý bıtým zaýytynyń paıdalanýǵa berilýinen avtojol salasyn otandyq bıtýmmen qamtamasyz etý boıynsha problema tolyqtaı sheshildi. «Samuryq-Qazyna» qory «Ulttyq ındýstrııalyq munaı-hımııa tehnoparki» arnaıy ekonomıkalyq aımaǵy aýmaǵynda gaz shıkizatyn qaıta óńdeý boıynsha eki iri jobany iske asyrýda. ıAǵnı, bunda jylyna 500 myń tonna polıpropılendi jáne 800 myń tonna polıetılendi shyǵarý kózdelgen. Aǵymdaǵy jyly sonymen qatar 300 jumys ornyn qura otyryp, polımer ónimin shyǵaratyn zaýyt iske qosylady»,-dedi mınıstr.

Onyń sózine qaraǵanda, Atyraý munaı óńdeý zaýytyn qaıta qurý aıasynda aromatıkalyq kómirsýtekterdi shyǵarý baǵytynda keshen qurylysynyń jobasy júzege asyrylýda. Munymen qosa osynda joǵary oktandy benzın óndirý josparlanǵan.