Bıyl Qazaqstanda otbasylyq janjal saldarynan 68 adam kóz jumdy

ASTANA. QazAqparat – Keıingi 5 jyl ishinde turmys salasyndaǵy ótinishter sany 3 esege artty. Muny «Qoǵammen seriktestikte qoǵamdyq qaýipsizdikti qamtamasyz etý» tujyrymdamasy aıasynda Astanadaǵy máseleler kartasyn tanystyrǵan Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Búgin BAQ, áleýmettik jeliler turmystyq qylmystar týraly basylymdarǵa toly. Bul másele birtindep «kóleńkeden» shyǵady. 5 jyl ishinde turmys salasyndaǵy ótinishter sany 3 esege artty. Alaıda, olardyń 60%-y boıynsha polıtsııa jábirlenýshilerdiń ótinish berýden bas tartýyna baılanysty shara qoldana almady. Onsyz biz «úı tırandaryn» jaýapqa tarta almaımyz. Jyl basynan beri otbasylyq turmysta 68 adam óltirildi», - dep toqtaldy vedomstvo basshysy.

Eske sala keteıik, 1 shildeden bastap turmystyq janjal qurbany aryz túsirmese de, polıtsııanyń is qozǵaýyna múmkindik beretin zań normasy kúshine endi.