Bıyl Qazaqstanda ólim deńgeıi 26,1% tómendegen

ASTANA. QazAqparat – Bıylǵy qańtar-qyrkúıek aralyǵynda elimiz boıynsha 101,7 myń adam qaıtys boldy. Bul ótken jylmen salystyrǵanda 26,1 paıyzǵa az. Máselen, byltyr osy aralyqta 137,6 myń adam kóz jumǵan edi, dep habarlaıdy QazAqparat tilshisi Ranking.kz portalyna silteme jasap.

Óńirler arasynda bul kórsetkish Almatyda joǵary bolyp otyr. Atap aıtqanda, bıyl onda 9,3 myń adam qaıtys boldy. Biraq bul ótken jylmen salystyrǵanda 35,1 paıyzǵa az. Kelesi kezekte Qaraǵandy (8,8 myń adam) men Túrkistan (7,4 myń adam) oblystary tur. Al ólim jaǵdaılary eń az Ulytaý oblysynda (1,5 myń adam) tirkelgen.

Qazaqstandyqtar kóbine qan aınalymy júıesi aýrýlarynan kóz jumady. Odan ústimizdegi jyly 22,7 myń adam qaıtys boldy. Sonymen qatar bıyl jańa isikterdiń paıda bolýy derti 10,2 myń adamnyń ómirin jalmasa, tynys alý organdarynyń aýrýynan 9,8 myń turǵyn kóz jumdy. Al jazataıym oqıǵalar, ýlaný men jaraqat saldarynan 8,5 myń qaıtys boldy. Sondaı-aq, 8,1 myń adamnyń ólimine sebep bolǵan - as qorytý organdaryndǵy dertter.