Bıyl Qazaqstanda normatıvten tys ysyrap tolyǵymen joıylatyn bolady - M.Ospanov
«Qazirgi kezde elektr, jylý jáne sýmen jabdyqtaý jelilerinde normatıvtik ysyraptar deńgeıiniń jyl saıyn tómendeý úderisi baıqalady. Normatıvten tys ysyraptar jyl sońyna deıin tolyq joıylady», - dedi ol.
Sonymen qatar agenttik basshysynyń atap ótýinshe, júrgizilgen jóndeý jumystary ári jabdyqtardy jańartý, uıymdastyrý sharalarynyń nátıjesinde jylý energııasyn óndirýge arnalǵan otyn shyǵysy da edáýir tómendetilgen. Statıstıkalyq derekterge qaraǵanda, sońǵy 10 jyldyń ishinde otyn shyǵysy 2 eseden astamǵa qysqarǵan.
Degenmen monopolııa sýbektileriniń negizgi qural-jabdyqtarynyń tozýyn aıqyndaıtyn biryńǵaı tásildiń bolmaýy saldarynan óńirlerdegi derekter ala-qula ekendigin basa aıtqan M.Ospanov: «Osyǵan baılanysty obektıvti ári shynaıy aqparat alý úshin salalyq mınıstrlikterge agenttikpen birlesip, tozýdy anyqtaýǵa arnalǵan tıisinshe ázirleme daıyndaý usynylady», - dedi.
