Bıyl Qazaqstanda qos azamattyq alǵan 400-ge tarta adam jaýapkershilikke tartyldy
ASTANA. QazAqparat - 2016 jyly Qazaqstanda qos azamattyq alǵan 400-ge tarta adam jazalandy. Bul týraly «QazAqparat» agenttiginiń resmı saýalyna jaýap bergen QR ІІM Memlekettik til jáne aqparat departamentinen habarlandy.
«Sheteldik azamattyqty alý faktisi týraly belgilengen merzimde tıisti organdarǵa habarlamasa, Qazaqstan Respýblıkasynyń zańy boıynsha jaýapqa tartylady. Bıyl qos azamattyqty alǵan 399 adam jaýapkershilikke tartyldy», - dep atap ótilgen departament málimetinde.
Atap aıtqanda, QazaqstanRespýblıkasynyń azamaty bolyp, shet memlekettiń azamattyǵyn qabyldaǵan adam ózge eldiń azamattyǵyn alǵan kúninen bastap kúntizbelik otyz kún ishinde shetel azamattyǵyn alý faktisi týraly QR Іshki ister organdaryna nemese Qazaqstannyń shet eldegi mekemelerine harbarlaýy tıis.
«Osy rette ol QR azamatynyń tólqujatyn jáne jeke kýáligin tapsyrýǵa mindetti», - deıdi vedomstvo ókilderi.
