Bıyl Qazaqstanda qandaı kólikter ótimdi boldy
NUR-SULTAN. QazAqparat - 2019 jyldyń 9 aıynda Qazaqstanda 33 500 avtokólik shyǵaryldy. Olardyń arasynda jeńil jáne júk kólikteri, avtobýs tehnıkasy men arnaıy mashınalar da bar. Bul týraly QazAqparat «QazAvtoÓnerkásipke» silteme jasap habarlaıdy.
Esepti kezeńde Qazaqstanda qurastyrylǵan kólikterdiń jalpy quny 229 mlrd teńgege baǵalanyp otyr. Jalpy, jeńil avtomobıl óndirý 41,2 paıyzǵa ósip, 29 846-ǵa jetti.
Jyl basynan beri otandyq avtozaýyttar 29 693 kólikti ótkizip, bul kórsetkish byltyrǵa qaraǵanda 43,6 paıyzǵa joǵary boldy.
Toǵyz aıdyń qorytyndysy boıynsha jergilikti óndiristegi avtomobılderdi satyp alýǵa turǵyndar 208,6 mlrd teńge jumsap, osy soma bir jyl burynǵy deńgeıden 73,7 paıyzǵa joǵary boldy.
Atalǵan merzimde Qazaqstanda qurastyrylǵan jeńil kólikterdiń arasynda suranysqa ıe brendterdiń bestigine Lada (10 913 kólik), Hyundai (9 954), KIA (2 339), Ravon (1 561) jáne Skoda (790) endi.
Otandyq kásiporyndar usynatyn markalardyń tiziminde JAC (658 kólik), Chevrolet (617), UAZ (294), sondaı-aq Peugeot (29) bar ekenin atap ótken jón.