Bıyl Qazaqstanda býnkerlik salmaqta 17 mln. tonna astyq bastyrylady

ASTANA. QazAqparat - Bıyl Qazaqstanda býnkerlik salmaqta 17 mln. tonna astyq bastyrylady. Bul týraly búgin QR Aýyl sharýashylyǵy mınıstrligi Agroónerkásip keshenindegi memlekettik ınspektsııa komıtetiniń tóraǵasy Saqtash Qasenov málim etti.

«Aǵymdaǵy jyly Batys Qazaqstan oblysynyń dıqanshylar qystyq daqyldar esebinen jaman ónim almaıdy. Bul - qýantarlyq jaıt. Bul óńir aǵymdaǵy jyly gektaryna 15 tsentnerden ónim alady. Máselen, Aqtóbe oblysynda alapat ystyq boldy. Degenmen, bul óńirde de astyq shyǵymy óz shyǵynyn óteıdi dep esepteımiz. Al tolyqtaı alǵanda, jalpy egistik alqabynan jınalatyn býnkerlik salmaqtaǵy astyq kólemi shamamen 17 mln. tonna bolatyndyǵyn boljaýdamyz», - dedi ol.

Komıtet tóraǵasynyń aıtýynsha, astyq terimi bastalatyn ýaqytta jańbyr jaýsa, bul ónim túsimine kedergi keltirýi yqtımal.