Bıyl Qazaqstanda býnkerlik salmaqta 17-18 mln. tonna astyq bastyrylady
ASTANA. QazAqparat - Bıyl Qazaqstanda býnkerlik salmaqta 17-18 mln. tonna astyq bastyrylady dep boljanýda. Bul týraly búgin QR Aýyl sharýashylyǵy mınıstrligi Aýyl sharýashylyǵy keshenindegi memlekettik ınspektsııa komıteti tóraǵasynyń orynbasary Almasbek Mars málim etti.
«Biz aǵymdaǵy jyly býnkerlik salmaqta ótken jylǵy deńgeıden tómen emes, shamamen 17-18 mln. tonna astyq bastyrylady dep boljap otyrmyz», - dedi ol.
Sonymen qatar komıtet tóraǵasynyń orynbasary búginde álemniń kóptegen elderi Qazaqstan astyǵyna qyzyǵýshylyq tanytyp otyrǵanyn atap ótti. Osy rette ol aǵymdaǵy marketıng jylynda 7-7,5 mln. tonnadan kem emes astyq syrtqa shyǵarylatyndyǵyn aıtty.
