Bıyl Qazaqstanda alǵash ret Tuńǵysh Prezıdent kúni merekesi toılanady
ASTANA. 28 qyrkúıek. QazAqparat - Bıyl elimizde Tuńǵysh Prezıdent kúni merekesi alǵash ret toılanady.
Búgin Astanada elimizdegi aqparattyq saıasatty damytýdyń mańyzdy máselelerine arnalǵan keńes barysynda sóz sóılegen QR Prezıdenti Ákimshiligi Basshysynyń orynbasary Baǵlan Maılybaev osylaı málim etti.
«Kúntizbelik merekeler boıynsha bıyl biz elimizde Tuńǵysh Prezıdent kúnin alǵash ret merekeleıtin bolamyz. Byltyr Parlament 1991 jylǵy 1 jeltoqsanda ótken Tuńǵysh Prezıdenttiń saılaýyna qatysty osyndaı sheshim qabyldaǵan bolatyn», - dedi Baǵlan Maılybaev.
Keńes qorytyndysy boıynsha BAQ aldynda olardyń qyzmetin jetildirýge baǵyttalǵan birqatar máseleler júkteldi. Ondaı mindetterdiń barlyǵy ulttyq múdde men el damýynyń áleýmetik mańyzdy baǵyttaryn qamtymaq.
