Bıyl Qazaqstanda 95 myńǵa jýyq baspana paıdalanýǵa berildi
«Qurylys salasynda naqty kólem ındeksi 2020 jyldyń 10 aıynda 110,7 paıyzdy qurady. 15 óńirde oń dınamıka baıqalady. Mysal retinde aıtqanda Qyzylorda oblysynda magıstraldyq gaz qubyryn, elektrmen jáne sýmen jabdyqtaý júıelerin salý jumystary aıaqtaldy. Batys Qazaqstan oblysynda «Kaspıı qubyr konsortsıýmy» KQK magıstraldyq gaz qubyryn salý boıynsha negizgi jumystar shegine jetti», - dedi Indýstrııa jáne ınfraqurylymdyq damý mınıstri Beıbit Atamqulov Úkimet otyrysynda.
Onyń aıtýynsha, turǵyn úı qurylysy salasynda bıylǵy 10 aıdyń qorytyndysy boıynsha 10 mln 744 myń sharshy metr baspana salynǵan.
«Respýblıka boıynsha barlyǵy 94 myń 737 baspana paıdalanýǵa berildi (onyń ishinde 34 535 jeke turǵyn úı). 15 óńirde bul salada kórsetkish artty», - dep túıdi ol.
