Bıyl Qazaqstanda 5G ınternet jelisin taratý aýqymy keńeıedi

ASTANA. QazAqparat – Bıyl Qazaqstandaǵy birneshe qalada 5G jelisin taratý aýqymy keńeımek. Bul týraly «Qazaqstandaǵy 5G ekojúıesin damytý» onlaın-konferentsııasynda aıtyldy, dep habarlaıdy QazAqparat tilshisi.

Tele2/Altel bas dırektory Sergeı Konkov elimizde 5G tehnologııasy qanshalyqty jyldam taraıtyny týraly túsindirdi.

«Biz ózimizge tehnologııany iske qosý quqyǵyn, jıilik resýrsyn alý, jelini ornalastyrý mindetin aldyq. Kelesi bes jylǵa lıtsenzııalyq mindettemeler bar. Biz bes jylda shamamen 3,5 myń bazalyq stantsııa salýymyz kerek. Bul óz kezeginde 5G tehnologııasyn paıdalanatyndardyń 80 paıyzdan astamyn qamtıdy», - dedi S. Konkov.

Osy oraıda ol 5G tehnologııasynyń alǵashqy sektorlary Astana, Almaty jáne Shymkent qalalarynda iske qosylǵanyn eske saldy.

«Alǵashqy bazalyq stantsııa Astanadaǵy EKSPO aýmaǵynda ornatyldy. Degenmen ol EKSPO aýmaǵyn túgel qamtymaıdy. Aldaǵy birneshe aıda Astanada jáne basqa qalalarda qamtý aıtarlyqtaı keńeıedi», - dedi spıker.

Eske salsaq, 2022 jyly jeltoqsanda Qazaqstanda 5G jıilikterin taratý boıynsha aýktsıon ótti. Birinshi tenderde jıilik 62,6 mlrd teńgege, ekinshisinde 93,4 mlrd teńgege satyldy.

Úkimet basshysy Álıhan Smaıylov 5G engizýdi 2027 jylǵa deıin aıaqtaýdy tapsyrdy.

«Qazaqtelekom» aktsıonerlik qoǵamynyń enshiles kompanııalary 2027 jylǵa deıin elimiz boıynsha 7 myńnan astam bazalyq stantsııa salýǵa tıis.

Bıyl Astana, Almaty jáne Shymkent qalalarynda osyndaı 486 stantsııa paıdalanýǵa beriledi.