Bıyl Qazaqstanda 400-den astam dala órti tirkeldi - QR AShM

ASTANA. QazAqparat - Bıyl Qazaqstanda 429 dala órti tirkeldi. Bul týraly búgin Aýyl sharýashylyq vıtse-mınıstri Erlan Nysanbaev málim etti.

"Bıyl órt qaýpi óte joǵary boldy. Kóktemde ylǵal kóp bolǵandyqtan, shóp óte qalyń shyqty. Órt oqıǵalary jıileı tústi, ásirese eldiń bes oblysynda dala órti áýrege saldy. Búginde Qazaqstanda 7611 gektar jerde 429 dala órti tirkelgen", - dep atap ótti E.Nysanbaev.

Vıtse-mınıstrdiń sózi boıynsha, bıyl tilsiz jaý negizinen Aqtóbe, Qostanaı, Pavlodar, Atyraý jáne Batys Qazaqstan oblystaryn ábigerge saldy. Byltyr 570 órt oqıǵasy oryn alǵan. Alaıda órt sharpyǵan dala aýmaǵy birshama az boldy.