Bıyl Qazaqstanda 4 myńnan astam jol salynyp, jóndeledi
Bul jaıynda búgin Úkimet úıinde ótken baspasóz máslıhatynda QR Investıtsııalar jáne damý vıtse-mınıstri Roman Sklıar málim etti, dep habarlaıdy QazAqparat.
Onyń dereginshe, Ortalyq-Ońtústik jobasy boıynsha uzaqtyǵy 14 shaqyrym bolatyn Temirtaý-Qaraǵandy ýchaskesin qaıta qalpyna keltirý jumystary jalǵasýda.
«Biz Dúnıejúzilik jáne Eýropalyq bankter qarjylandyratyn uzaqtyǵy 228 shaqyrym bolatyn Kúrti-Býrylbaıtal ýchaskesiniń jumysyna kirisip kettik. Sondaı-aq, bıýdjet qarjysy esebinen ІІІ toqsannyń sońyna deıin Qaraǵandy qalasynyń Soltústik-Shyǵys aınalma joly ýchaskesin qaıta qalpyna keltirý bastalady. 2018 jyldan bastap Dúnıejúzilik bank esebinen Balqash-Býrylbaıtal (297 shaqyrym) ýchaskesin jáne Kúrti-Qapshaǵaı (67), 2019 jyly Qaraǵandy-Balqash (364) ýchaskelerinde jumystardy bastaýdy josparlap otyrmyz», - dedi vıtse-mınıstr.
Vıtse-mıınstrdiń aıtýynsha, bıyl Ortalyq-Shyǵys jobasyn iske asyrýǵa 106 mlrd teńge bólindi. 675 shaqyrymda jumys jirgizildi jáne jyldyń sońynda Astana-Pavlodar ýchaskesiniń 230 shaqyrymynda joldyń 4 jolaqty qozǵalysyn ashý josparlanǵan. Sonymen birge uzaqtyǵy 36 shaqyrym bolatyn sońǵy ýchaske - Semeı-Qalbataý bóligindegi jumys aıaqtalady. Ortalyq-Batys jobasy boıynsha 2020 jylǵa deıin Denısovka-Qostanaı (114 shaqyrym) ýchaskesin aıaqtaý josparlanýda. Munan bólek, mınıstrlik uzaqtyǵy 2 myń shaqyrym bolatyn Jetibaı-Jańaózen, Taldyqorǵan-Óskemen, Merki-Býrylbaıtal, Qalbataý-Maıqapshaǵaı, Úsharal-Dostyq, Beıneý-Aqjigit, Taskesken-Baqty, Osınov asýy, Şýche-Zerendi sııaqty jańa jobalardy iske asyrýǵa kiristi.
«Іske asyrylǵan jobalar boıynsha birinshi jartyjyldyqta 112 mlrd teńge ıgerildi jáne bul jobalarǵa 80 myń adam jumyldyryldy. Jyl qorytyndysynda baǵdarlama aıasynda 1 jáne 2 tehnıkalyq sanattaǵy 600 shaqyrym joldy aıaqtaý josparlanyp otyr. Onyń ishinde Beıneý-Aqtaý jáne Almaty-Taldyqorǵan avtojolyn qaıta qalpyna keltirýdi tolyqtaı aıaqtaý kózdelgen», - dedi Roman Sklıar.
