Bıyl Qazaqstanda 34 jańa mektep ashylady
ASTANA. QazAqparat - Bıyl Qazaqstanda bıýdjet esebinen salynǵan 34 jańa mektep ashylady. Bul týraly búgin Astanadaǵy L.N.Gýmılev atyndaǵy Eýrazııa ulttyq ýnıversıtetindegi halyqpen esepti kezdesýinde QR Bilim jáne ǵylym mınıstri Erlan Saǵadıev málim etti.
«Ulttyq qor qarjysy esebinen taǵy 42 jańa iri mekteptiń qurylysy bastalady. Osy oraıda, biz úsh aýysymdaǵy jáne apatty mektepterge baılanysty problemalardy sheshýge nıettimiz. Elimizde halyq sany artyp keledi jáne bul baǵytta qandaı sharalar atqarý kerektigi jaıynda jaqsy túsinip otyrmyz. Atap aıtqanda, jańa baǵdarlama boıynsha alty jasar órender mindetti túrde mektepke barady. ıAǵnı, mektep ınfraqurylymyna júkteme artyp keledi. Sondyqtan da bizdiń maqsat mektep qurylysynda memlekettiń qatysýymen qatar, salaǵa jeke kapıtaldy tartýǵa negizdelgen»,-dedi E. Saǵadıev.
Onyń aıtýynsha, jan basyna qarjylandyrýdy engizý iri qalalarda negizgi qural bolmaq. Bul óz kezeginde jeke kapıtal mektep qurylysyna qyzyǵýshylyq tanytýy úshin turaqty qarjylyq naryqty qurady.
