Bıyl Qazaqstanda 300-den asa ádepsiz memqyzmetker anyqtaldy
ASTANA. QazAqparat - 2016 jyly 300-den astam memqyzmetker ádep qaǵıdalaryn buzǵany úshin jaýapkershilikke tartyldy.
Bul týraly baspasóz máslıhatynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi Memlekettik qyzmet salasyndaǵy baqylaý departamentiniń dırektory Qýanysh Japaqov málim etti, dep habarlaıdy QazAqparat.
«Bıyldyń 9 aıynda 3535 memlekettik qyzmetshi tártiptik jazaǵa tartyldy. Onyń ishinde 10 paıyzy tártiptik komıssııanyń usynymy boıynsha ádep qaǵıdalaryn buzǵany úshin jaýapty boldy. Atap aıtqanda, 8 memlekettik qyzmetshi qyzmetinen tómendetildi, 17 adam atqaryp otyrǵan laýazymynan bosatyldy»,-dedi Q. Japaqov.
Belgil bolǵandaı, ádep jónindegi ýákilder barlyq ortalyq memlekettik jáne jergilikti atqarýshy organdarda engizilgen. Respýblıka boıynsha ádep jónindegi barlyǵy 34 ýákil qyzmet atqarady. Aǵymdaǵy jyldyń 10 aıy ishinde ádep jónindegi ýákilderge 365 memqyzmetshi men azamattar shaǵymdanyp, keńester aldy.
Agenttik málimetine qaraǵanda, memlekettiń barlyq aýmaqtarynda qurylǵan jáne qyzmet atqaryp kele jatqan Ádep jónindegi keńesterdiń aǵymdaǵy jyldyń 10 aıynda 126 otyrys ótti. Eger de memqyzmetshi Memlekettik qyzmetshilerdiń ádep kodeksiniń talaptaryn buzsa, Ádep jónindegi keńes sol sheneýliktiń tártiptik isin qaraıdy.Ádep jónindegi keńestermen máselelerdi qaraý qorytyndysy boıynsha engizilgen 207 usynymnyń 95 paıyzy oryndalǵan. Osy rette usynymdar boıynsha tártiptik jaýapkershilikke 344 memlekettik qyzmetshi tartyldy, sonyń ishinde 54 paıyzy - qyzmettik ádep talaptaryn buzǵany úshin.
