Bıyl Qazaqstanda 291 adam sýǵa ketti - V. Bojko
ASTANA. QazAqparat - Bıyl sý aıdyndarynda 159 bala qutqaryldy. Bul týraly búgin Ortalyq kommýnıkatsııalar qyzmetindegi brıfıngte QR TJM basshysy Vladımır Bojko málim etti.
«Aǵymdaǵy jyldyń basynan beri sýda qutqarý qyzmetteriniń qutqarýshylary sý aıdyndarynda 772 adamdy, onyń ishinde 159 balany qutqardy. 11 myńnan astam sý qoımalary tekserilip, sýǵa shomylýǵa arnalǵan 480 demalys orny belgilendi. Bul oryndarda sýdyń túbin qaýipti zattardan tazartý jumystary júrgizildi»,-dedi mınıstr.
Onyń sózine qaraǵanda, jyl basynan beri 291 adam sýǵa ketken, onyń 81-i - balalar. Sýdaǵy qaıǵyly oqıǵalar adamdardyń kúshi men múmkindikterin asyra baǵalaýy, qaýipsizdiktiń qarapaıy erejelerin saqtamaýy, sondaı-aq azamattardyń sýǵa mas kúıinde shomylýy saldarynan bolyp jatady.
