Bıyl Qazaqstanda 1700 polıtsııa qyzmetkeri jazalandy - Q. Qasymov
ASTANA. 12 qarasha. QazAqparat - Bıyl Qazaqstanda tártiptik túrde 1700-den astam polıtsııa qyzmetkeri jazalandy. Bul týraly búgin Úkimet otyrysynda QR Іshki ister mınıstri Qalmuhanbet Qasymov aıtty.
Kóliktik tártipti kúsheıtý - polıtsııa jaýapkershiliginiń aımaǵy ekenine toqtalǵan mınıstr, bul baǵyttaǵy jumystar aıaǵyna deıin jetkizilmeı, tıisti deńgeıde atqarylmaı jatqandyǵyn sóz etti.
«Sondyqtan da sońǵy ýaqytta biz qyzmetkerlerdi kásibı daıarlaý men olardyń jumysyna túzetýler engizdik. Olardyń qyzmetti atqarý barysyna kún saıynǵy qadaǵalaýdy kúsheıttik», - dedi ol.
«Sońǵy attestatsııa barysynda 300 jol polıtsııasy qyzmetkerleri jumystan bosatyldy, 600-den astamy basqa qyzmetterge aýystyryldy, 166 adam qyzmetinen tómendetildi. Bıylǵy jyly túrli buzýshylyqtar úshin tártiptik túrde 1700-den astam polıtsııa qyzmetkeri jazalandy», - dep atap ótti vedomstvo basshysy.
