Bıyl Qazaqstanda 11 myń shaqyrym jol aqyly júıege aýysady
NUR-SULTAN. QazAqparat - Qazaqstanda respýblıkalyq mańyzy bar 11 myń shaqyrym avtojol aqyly júıege aýysady. Bul týraly QR Premer-Mınıstriniń orynbasary Roman Sklıar málimdedi, dep habarlaıdy QazAqparat tilshisi.
«Bıyl «Nurly jol» ınfraqurylymdy damytý baǵdarlamasynyń ekinshi kezeńine kiristik. Ony júzege asyrýǵa 5,5 trln teńge bólý qarastyrylǵan. Bıyl birneshe jobany júzege asyrý josparlanǵan, sonyń ishinde 2600 shaqyrym jol paıdalanýǵa beriledi. Temir joldy elektrıfıkatsııalaý jalǵasady. Sonymen birge, respýblıkalyq mańyzy bar 11 myń shaqyrym avtojol aqyly qyzmetke aýysyp, bul joldardy bıýdjet esebinen kútip-baptaý azaıady. Únemdelgen bıýdjet qarajatyn ózge de mańyzdy mańyzdy jobalarǵa baǵyttaı alamyz», - dedi Roman Sklıar Úkimettiń onlaın otyrysynda.
Sonymen birge, spıker Túrkistandaǵy halyqaralyq áýejaı men Shymkenttegi jańa jolaýshylar termınaly salynyp bitkenin, Óskemen, Úrjar, Úsharaldaǵy áýejaılardy qaıta jóndeý bastalǵanyn eske saldy.
«Aıtylǵan jobalar eń aldymen óńirlerde jańa jumys oryndaryp qurýǵa múmkindik beredi. Bul - memlekettiń basym mindetteriniń biri», - dedi Roman Sklıar.
Aıta keteıik, búgingi Úkimet otyrysynda 2020-2025 jyldarǵa arnalǵan «Nurly jol» ınfraqurylymdy damytý memlekettik baǵdarlamasyn júzege asyrý barysy talqylandy.
