Bıyl Qazaqstanda 100 myńnan astam túlek UBT tapsyrady
ASTANA. QazAqparat - Bıyl Qazaqstanda 100 myńnan astam túlek Ulttyq biryńǵaı testileýden ótedi. Bul týraly «QazAqparat» agenttigine QR Bilim jáne ǵylym mınıstrliginen habarlady.
Agenttiktiń resmı saýalyna bergen jaýabynda mınıstrlik UBT ótkizýge arnalǵan 154 pýnkt daıyndalatynyn atap ótti. Bul jerlerde synaqty uıymdastyrý jáne ótkizý boıynsha memlekettik komıssııalar quryldy.
«UBT-da qoldanylatyn emtıhan materıaldary jasaqtalýda. Ulttyq biryńǵaı testileý pýnkterinde 10 naýryzdan bastap 25 saýirge deıin túlekterden ótinishter qabyldaý júrgizilýde», - delingen habarlamada.
Vedomstvonyń atap kórsetkenindeı, 2014 jyly 134 648 oqýshy mektep bitiredi.
«Oqýshylardyń 80 paıyzy UBT-ǵa qatysady dep boljanýda, bul shamamen 107 000 túlek», - delinedi QR BǴM habarlamasynda.
UBT formaty ózgerissiz qalyp otyr. Qazirgi ýaqytta barlyq aımaqtarda oqytýshylar men ata-analar arasynda túsindirý jumystary júrgizildi. Aqparattandyrý jumystary qalalyq jáne aýyldyq mektepterdiń qatysýymen onlaın rejıminde uıymdastyrylýda.
