Bıyl Qazaqstan joldarynyń boıynda 14 medıtsınalyq-qutqarý beketi ashylady
ASTANA. 14 aqpan. QazAqparat - Aǵymdaǵy jyly elimizde avtojoldar boıynda qosymsha 14 medıtsınalyq-qutqarý beketi ashylatyn bolady.
Bul týraly búgin Májilistiń Áleýmettik-mádenı damý komıtetiniń keńeıtilgen otyrysynda «Halyq densaýlyǵy jáne densaýlyq saqtaý júıesi týraly» Kodeksiniń iske asyrylý máselesin talqylaý barysynda Densaýlyq saqtaý vıtse-mınıstri Erik Baıjúnisov málim etti.
«Biz Qazaqstannyń avtojoldaryn, onyń ishinde jol-kólik apaty jıi oryn alatyn aımaqtardy, núktelerdi saraptap shyqtyq. Bundaı oryndardyń sany shamamen 40-tan astam. Dál osyndaı núktelerden biz medıtsınalyq-qutqarý beketterin ashpaqshymyz. Bıylǵy jyly osyndaı 14 nysandy ashatyn bolamyz», - dedi vıtse-mınıstr.
Onyń aıtýynsha, qutqarý beketteri qajetti jabdyqtardyń barlyǵymen tolyq qamtylady. Máselen, onda eki reanımobıl ornalasyp, medıtsına qyzmetkerleri úshin arnaıy bólmeler salynady. Keshen ishinde medıtsınalyq preparattar tolyǵymen jabdyqtalyp, onyń ishinde dıagnostıka men emdeý quraldary da qamtylady.
«Biz bul beketter negizinen jol-kólik apatynan japa shekkenderge jedel kómek kórsetedi dep eseptegen edik. Degenmen, bizge avtotrassalardaǵy kólik júrgizýshilerden, olardyń jolaýshylarynan ótinishterdiń qaptap túsýi kútpegen jaǵdaı boldy. ıAǵnı, is júzinde bundaı medıtsınalyq pýnktter tek apat jaǵdaıynda ǵana emes, kúndelikti ómirde de ózderiniń qajettilikterin kórsetti, tıimdiligi de tanylady dep oılaımyn», - deıdi E. Baıjúnisov.
Onyń aıtýyna qaraǵanda, qazirgi tańda basty maqsat jol boıyndaǵy medıtsınalyq pýnktterdi bilikti mamandarmen qamtamasyz etý bolyp otyr.
