Bıyl Qazaqstan joldarynda 300-ge jýyq adam kóz jumdy
ASTANA. QazAqparat - 2017 jyldyń birinshi toqsanynda Qazaqstan joldarynda 300-ge jýyq adam kóz jumdy. Bul týraly Májilistegi Úkimet saǵatynda QR Іshki ister mınıstriniń orynbasary Berik Bısenqulov málim etti, dep habarlaıdy QazAqparat.
«Bıyl birinshi toqsanda 3 myńnan astam jol-kólik oqıǵalary oryn alyp, onyń saldarynan 295 adam kóz jumdy jáne 4 myńnan astamy jaraqat aldy. Jalpy JKO sany boıynsha 13 paıyzǵa tómendeý boldy. Sonymen qatar jol apatynan qaza bolǵandar sany 27 paıyzǵa azaıdy. Al tórt jolaqty avtomobıl joldaryna toqtalatyn bolsaq, osy joldar boıynsha bizde ońtaıly statıstıka baıqaldy. Astana men Býrabaı arasyndaǵy jolda jol apattary kúrt tómendedi. Atap aıtqanda, eski jol bolǵan kezde onda adam ólimine alyp kelgen 50 oqıǵa tirkelip júrse, búginde bul jolda bes jaǵdaıǵa deıin oryn alýda»,-dedi Bısenqulov.
Sonymen qatar ol elimizdegi jol qozǵalysyndaǵy qaýipsizdik máselesin QR ІІM únemi baqylaýda ustap turǵandyǵyn aıta kele, sońǵy bes jylda apattar sany turaqty túrde tómendep kele jatqanyn atap ótti.
Ótken jyly Qazaqstan joldarynda 17 myńnan astam JKO tirkelip, onyń saldarynan 2 390 adam kóz jumdy, sondaı-aq 23 myńnan astamy jaraqattandy.
