Bıyl Qazaqstan Prezıdenti Serbııaǵa saparmen barady - N. Rústemov
ASTANA. QazAqparat - Bıyl Qazaqstan Prezıdenti Nursultan Nazarbaev Serbııaǵa saparmen barady. Bul týraly búgin Astanada ótken baspasóz máslıhatynda Qazaqstan Respýblıkasynyń Vengrııadaǵy, Makedonııadaǵy jáne Serbııadaǵy Tótenshe jáne Ókiletti Elshi mindetin qosa atqarýshy Nurbah Rústemov málim etti.
«Bizde joǵary basshylyq deńgeıinde saıası baılanys ornaǵan. Ótken jyly Qazaqstanda Serbııa basshysy boldy, al bıyl Serbııada bizdiń eldiń Prezıdenti Nursultan Nazarbaevty saparmen kútip otyr»,-dedi Elshi.
Osy rette ol bul sapar ekijaqty qatynastardy damytýǵa jańa serpin beretinin jetkizdi.
«Sapar aıasynda úkimetaralyq komıssııanyń birinshi otyrysy ótip, iskerlik keńes qurylady. Sonymen qatar taýar jáne qyzmettermen belsendi almasý turǵysynda qyzmetterdiń perspektıvaly baǵyttary aıqyndalady», - dedi ol.
Munymen qosa, qazaqstandyq dıplomat bıyl serbııalyq parlament spıkeriniń Qazaqstanǵa sapary josparlanyp otyrǵandyǵyn atap ótti.
Baspasóz máslıhaty barysynda taratylǵan málimetterge qaraǵanda, N. Nazarbaevtyń Belgradqa alǵashqy resmı sapar 2016 jyldyń tamyzyna josparlanyp otyr
