Bıyl Qazaqstan perzenthanalarynda qansha áıel kóz jumdy
Mınıstrdiń aıtýynsha, alǵashqy jartyjyldyqta bosanýǵa deıin jáne bosanǵannan keıin ana ólimi kórsetkishi byltyrǵy deńgeıden ósken. Atap aıtqanda, jyl basynan beri respýblıka perzenthanalarynda 31 áıel kóz jumǵan.
«Qańtar aıynan beri respýblıkada 31 ana kóz jumdy. Jyl saıyn respýblıkamyzda 50-60 áıel kóz jumady. Resmı statıstıka bar, odan bólek jyl saıyn qupııa aýdıtter júrgizemiz, ıaǵnı basqa dıagnoz boıynsha tirkelgenderdi tekseremiz. Qupııa aýdıt esebimen ana ólimi 100 myń jańa bosanǵan áıelder arasynda orta eseppen 14-15 áıeldi quraıdy. Qazirgi ýaqytta árbir jaǵdaıǵa qatysty Qoǵamdyq densaýlyq saqtaý komıteti tergeý júrgizip jatyr», - dedi Eljan Birtanov Úkimet úıinde ótken baspasóz máslıhatynda.
Sonymen birge, Eljan Birtanov ana ólimi sebepterin eki negizgi topqa bólip kórsetti.
«Birinshi - tikeleı bosaný jaǵdaıyna, ekinshisi - jaraqat, tamaqtan ýlaný sekildi júktilikke qatysy joq jaǵdaıǵa baılanysty. Ana óliminiń kóbeıýi áıelderdiń densaýlyǵyna da baılanysty bolyp otyr. Ókinishke qaraı, jyldyq eseppen áıelderdiń 20 %-i kesh esepke turady. Sondyqtan olardy baqylaý qıyn. Qaıtys bolǵandar arasynda bul kórsetkish 50-60%-ke deıin jetedi. ıAǵnı, kóz jumǵan áıelderdiń basym bóligi ýaqytynda esepke turmaǵandar», - dedi ol.
Sondaı-aq, mınıstrdiń aıtýynsha, medıtsınalyq qyzmetkerlerdiń áıelderge júktilik kezinde jáne bosanǵannan keıin qalaı qaraǵany da mańyzdy.
«Búgin biz Premer-Mınıstrge jergilikti atqarýshy organdar men densaýlyq saqtaý basqarmalary tarapynan baqylaýdyń jetkiliksizdigi sııaqty máselelerdi baıandadyq. Óńirlerde osy sala boıynsha jaýap beretin basshylar az, olar jumystan shyǵyp ketken. 8 oblysta orynbasarlar joq. Kadr tapshylyǵyna keler bolsaq, óńirlerde 340 akýsher-gınekolog jetispeıdi. Sol sebepti ákimdikter mamandardyń bilimin jetildirý jóninde is-sharalardy kúsheıtý qajet», - dedi Eljan Birtanov.
Aıta keteıik, Úkimettiń búgingi otyrysynda QR Densaýlyq saqtaý mınıstri Eljan Birtanov pen Astana qalasynyń ákimi Áset Isekeshev elorda perzenthanasyndaǵy ana ólimi boıynsha jaýap berdi.
Keshe Astananyń №2 perınataldy ortalyǵynda jas bosanǵan kelinshek kóz jumdy. Ol - Astana perzenthanalarynda qaıtys bolǵan tórtinshi adam.