Bıyl «Qazaqstan Patrıoty» erekshe belgisimen birneshe qazaqstandyq marapattalady

ASTANA. 30 qarasha. QazAqparat - 1 jeltoqsan Qazaqstan Respýblıkasynyń Tuńǵysh Prezıdenti kúni Mádenıet jáne aqparat mınıstrliginiń qoldaýymen «Meniń Qazaqstanym» atty V Jalpyulttyq Qazaqstan patrıottarynyń forýmy ótedi.

Atalǵan vedomstvo baspasóz qyzmetiniń málimetinshe, forým jyl saıyn ózderiniń bilimderi men jasampaz eńbekterimen, belsendi azamattyq jáne ómirlik ustanymdarymen, izgi amaldary men batyrlyǵymen, erlikterimen jáne elimizdi odan da kórkeıtý qushtarlyǵymen naǵyz qazaqstandyq otansúıgishtiktiń ne ekendigin barlyǵymyzǵa kórsetip júrgen myńdaǵan otandastarymyzdy, barlyq qazaqstandyqtardyń eń jaqsy erekshelikterin beıneleıtin azamattardy biriktiredi.

Olar úzdik sportshylar, eńbek sińirgen ártister, tanymal jańashyl ǵalymdar, joǵary kásibı mamandar, qoǵamdyq pikir kóshbasshylary. Bul Eńbek Adamdary.

Dástúr boıynsha forýmǵa qatysýshylar «Jan júregim, Qazaqstan!», «Asqaq azamattyq!», «Álem tanyǵan Qazaqstan!», «Bıikke samǵaǵan Qazaqstan!» atalymdary boıynsha marapattalady.

Bıylǵy jyly «Qazaqstan Patrıoty» erekshe belgisimen birneshe qazaqstandyq marapattalady.