Bıyl Qazaqstan men Reseı arasyndaǵy saýda rekordty kórsetkishterge jetedi - Vladımır Pýtın

NUR-SULTAN. QazAqparat – Bıyl Qazaqstan men Reseı arasyndaǵy ózara taýar aınalym rekordty kórsetkishterge jetýi múmkin. Bul týraly Qazaqstan men Reseıdiń XVII Óńiraralyq yntymaqtastyq forýmyna RF Prezıdenti Vladımır Pýtın aıtty, dep habarlaıdy QazAqparat tilshisi.

«Eki el arasyndaǵy ózara is-qımyl shynymen de qarqyndy, kóp josparly, ekijaqty tıimdi sıpatqa ıe. Biz bastapqydan qarym-qatynasty osylaı qurǵan edik. Birinshi kezekte ol saýda-ınaestıtsııalyq salaǵa qatysty bolyp tur. Bıylǵy jeti aıda ekijaqty taýar aınalym 34 paıyzǵa artyp, bizdiń málimet boıynsha 14 mlrd AQSh dollaryn qurady», - dedi Vladımır Pýtın.

Onyń paıymynsha, bıyl osy baǵytta eleýli kórsetkishter bolady dep kútilýde.

«Jyl qorytyndysy boıynsha ózara saýda 20 mlrd dollar rekordty kórsetkishke jetedi dep eskerilip otyr. Bul turǵyda óńiraralyq yntymaqtastyqtyń úlesi zor», - dedi RF Prezıdenti.

Budan buryn habarlanǵandaı, búgin Kókshetaýda Memleket basshysy Qasym-Jomart Toqaev pen Reseı Prezıdenti Vladımır Pýtınniń qatysýymen eki eldiń XVII Óńiraralyq yntymaqtastyq forýmy onlaın formatta ótip jatyr.

QR Prezıdenti Q. Toqaev el aýmaǵynda orman alqabyn arttyrý jumystaryn aıtty.