Bıyl «Qazaqstan daýysy» jobasyna «Nar táýekel» atty kezeń engizildi
ASTANA. QazAqparat - «Qazaqstan daýysy» shoýy 20 qyrkúıekten bastap taǵy efırde. «Qazaqstan daýysy» jobasy bıyl úshinshi maýsymyn ashpaq. Osyǵan joba dırektory Kenje Jumanuly pikir bildirdi, dep jazady «Qazaqstan» ulttyq arnasy.
«Qazaqstan daýysy» jobasynyń bıylǵy maýsymy óte qyzyqty bolmaq. Halyqqa jaqyn bolýy úshin bıyl biraz ózgertý engizdik. Mysaly, tálimger Medeý Arynbaevtyń ornyna ánshi Rústem Nurjigit keldi. «Nar táýekel» atty jańa kezeń engizdik. Naǵyz shaıqastyń qyzatyn kezi de osy kezeń. Sondaı-aq, burynǵy saıystarǵa da ózgertý endi. Úshinshi maýsym aldyńǵylarǵa qaraǵanda, anaǵurlym qyzyqty bolady»,-deıdi joba jetekshisi.
