Bıyl Qazaqstan Bolon úderisine teńtóraǵa bolady

Onyń atap ótýinshe, Qazaqstanda joǵary biliminiń damýy álemdik deńgeıdegi básekege qabiletti jáne ashyq bilim berý júıesin qalyptastyrýǵa baǵyttalǵan. Búginde Qazaqstanda 131 joǵary oqý orny bar jáne olardyń sany 18-ge, al bakalavrıatta oqıtyn stýdentterdiń sany sońǵy 3 jylda 105 myń adamǵa qysqarǵan. «2010 jyly Qazaqstan Bolon protsesine qol qoıyp, joǵary bilimniń Eýropalyq keńistigine endi. Bıyl, 2014 jyldyń birinshi jartyjyldyǵynda biz Balon úrdisinde teńtóraǵa bolamyz», - dedi ol. T.Balyqbaevtyń atap ótýinshe, elimizde bolonııa protsesiniń negizgi qaǵıdalary engizilgen. Olar: úsh deńgeıli bilim berý júıesi, kredıtterdi qaıta esepteýdiń eýropalyq júıesi, ulttyq joǵary ǵylymdardyń dıplomǵa jalpy eýropalyq qosymsha berýi. «Bilim alýshylardyń akademııalyq utqyrlyǵynyń 2020 jylǵa deıin qabyldanǵan strategııasy negizinde stýdentter men oqytýshylardyń akademııalyq utqyrlyǵy damýda. Jyl saıyn memlekettik qarjy esebinen myńnan astam sheteldik professor dárister oqý men doktorlyq dısertatsııalarǵa jetekshilik etý, ǵylymı zertteýler júrgizý men oqýlyqtar jazý maqsatynda bizdiń ýnıversıtetterge kelýde»,- dedi ol.