Bıyl «Qazaqstan barysy» álemniń 120 elinde kórsetiledi
ASTANA. QazAqparat -Elbasy N. Nazarbaevtyń júldesi úshin ótetin «Qazaqstan barysy» týrnıri álemniń 120 eline translıatsııalanatyn bolady. Atalmysh týrnır «Saryarqa» velotreginde 29 maýsymda osymen tórtinshi márte ótedi. Bul týraly jobanyń avtory Arman Shoraev «Qazaqstan» telearnasyndaǵy «Aıtýǵa ońaı» tok-shoýynda habarlady.
«Ótken jyly da «Qazaqstan barysynyń» kórsetilimi shetelderge taratyldy. Atap aıtqanda, reseılik «Boets» jáne eki grýzındik arnalarda kórsetildi. Osy jyly olarǵa túriktiń belgili «TRT Avaz» sporttyq telearnasy da qosyldy. Osylaısha kórsetilim aýmaǵyn taǵy 80 elge kóbeıtemiz. «Qazaqstan barysyn» bıyl álemniń 120 eliniń kórermenderi tamashalaı alatyn bolady», - dedi A.Shoraev. Eske sala keteıik, «Qazaqstan Barysy» týrnıri 2010 jyldan beri ótkizilip keledi. "Halyqtyq" dep tanylǵan joba elimizdiń sporttyq ómirinde óz ornyn tapty.
Ótken jyly týrnırdiń jeńimpazy Shyǵys Qazaqstan oblysynan Aıbek Nuǵymarov boldy. Ol aqtyq synda Qaraǵandylyq Erjan Shynkeevten basym túsken bolatyn.
