Bıyl Qazaqstan azamattarynyń ortasha ómir súrý jasy 70,3 jyldy quraıdy
ASTANA. 27 qarasha. QazAqparat - Boljam boıynsha 2013 jyldyń nátıjesinde Qazaqstan azamattarynyń ortasha ómir súrý jasy 70,3 jyldy quraıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte Úkimet basshysynyń orynbasary Erbol Orynbaev málim etti.
2012 jyly bul kórsetkish 69,6 jyldy quraǵan eken.
Onyń sózine qaraǵanda, búginde elimizde ómir súrý uzaqtyǵynyń kórsetshi turǵysynda keńestik kezeńdegi deńgeıden asyp tústi. «Bizde ómir súrýdiń eń joǵary ortasha uzaqtyǵy 1974 jyly 68,3 jyl bolǵan edi. Keńes Odaǵy ydyraǵannan keıin ómir súrý uzaqtyǵynyń 63 jasqa deıin tómendeýi baıqaldy. ıAǵnı, sońǵy jyldary biz onyń qalpyna keltirip qana qoımaı, tarıhı joǵary kórsetkishten asyp tústik», - dedi E. Orynbaev.
Onyń paıymynsha, bul kórsetkish eldegi ómir súrýdiń áleýmettik sapasyn kórsetýde, alaıda bul baǵytta atqaratyn jumystar barshylyq.
