Bıyl Qazaqstan aýmaǵynda aǵash egý 50 myń gektardan astam alqapta júrgiziledi
ASTANA. QazAqparat - QR QOSRM Orman jáne ańshylyq sharýashylyǵy komıtetine baǵynysty uıymdar men oblystardyń qaramaǵyndaǵy orman sharýashylyǵy mekemeleri memlekettik orman qory aýmaqtarynda kóktemgi orman otyrǵyzý jumystaryn bastady.
QR Qorshaǵan orta jáne sý resýrstary mınıstrliginiń 2014-2018 jyldarǵa arnalǵan Strategııalyq josparynda belgilengen mindetterge sáıkes, aǵymdaǵy jyly ormandy molyqtyrý jáne ósirý jumystary jalpy aýdany 54 myń gektar quraıtyn alqapta júrgiziledi. Olardyń 40 myń gektary oblystardyń orman sharýashylyǵy mekemelerine, 14 myń gektary - komıtetke baǵynysty uıymdar qaramaǵynda.
Osylaısha, bıyl Ertis óńirindegi qaraǵaıly ormandar aýmaqtaryndaǵy 6,3 myń gektar alqapta ormandy qalpyna keltirý jumystary júrgiziletin bolady. Astana qalasynyń «jasyl aımaǵyn» qurý 5 myń gektar alqapta júzege asyrylmaq.
«Ormandy saqtaý jáne respýblıka aýmaǵynyń ormandy jerlerin kóbeıtý jobasy aıasynda Aral teńiziniń qurǵaǵan ultanynda sekseýil jáne basqa butaly ósimdikter egý sharalary 10 myń gektar aýmaqta júrgiziledi»,-delingen QR QOSRM baspasóz qyzmetiniń málimetinde.
