Bıyl Qazaqstan atynan Nobel syılyǵyna Ábdijámil Nurpeıisov usynyldy
Onyń aıtýynsha, ataqty jazýshy ótken jyly da usynylǵan bolatyn.
«Ótken jyly Ábdijámil aǵa tipti Nobel komıtetiniń 5 adamdyq qysqa tizimine ilindi! Bıyl da Qazaq PEN-klýby Ábdijámil aǵany usynyp otyr. Negizi Qazaqstannyń atynan Nobel syılyǵyna aqyn-jazýshylardy usyný boıynsha tek ádebıet ınstıtýty men Qazaq PEN-klýbynyń ǵana quqyǵy bar» - dedi óz sózinde Bıgeldi Ǵabdýllın.
Sonymen qatar, Qazaq PEN-klýbynyń prezıdenti búgingi tańda qazaqtyń klassık jazýshylarynyń týyndylaryn aǵylshyn tiline aýdarý jumystary júrgizilip jatqandyǵyn jetkizdi.
«Buǵan deıin Ábdijámil Nurpeıisovtiń «Qan men ter» romany aýdarylǵan bolatyn. Ol batys elderi oqyrmandary arasynda óte jaqsy qabyldandy. Qazir túrli elderden Nobel komıtetine myńdaǵan usynys hattar joldanýda. Sondaı-aq qazir Ábish Kekilbaevtyń shyǵarmalary aýdarylyp jatyr. Budan keıin Muqaǵalı Maqataevtyń, Smaǵul Elýbaıdyń shyǵarmalary aýdarylady» - dedi B. Ǵabdýllın.