Bıyl Qazaqstan 71 mln tonna munaı eksporttamaqshy

ASTANA. QazAqparat – Bıyl Qazaqstan 90,5 mln tonna munaı óndirip, onyń 72 mln tonnasyn eksportqa jiberedi, dep habarlaıdy QazAqparat tilshisi.

Energetıka mınıstri Bolat Aqsholaqov vedomstvonyń keńeıtilgen alqa májilisinde osylaı dedi.

«2023 jyly munaı óndirýdi 90,5 mln tonna deńgeıinde, al munaı eksportyn 71 mln tonna deńgeıinde qamtamasyz etý josparlanýda. Munaı aınalymyn baqylaý úshin munaı men gaz kondensatyn esepke alýdyń aqparattyq júıesi iske qosyldy. Ol búgingi tańda munaı aınalymynyń 95%-yn baqylaýǵa múmkindik beredi», - dedi mınıstr.

Onyń sózine qaraǵanda, munaı óndirý salasynda elimizdiń 3 negizgi ken ornynda iri jobalardy iske asyrý jumystary jalǵasa beredi.

«Teńiz ken ornyndaǵy Keleshek kenishin keńeıtý jobasy júzege asyrylýda. Uńǵyma erneýiniń qysymyn basqarý jobasyn 2023 jyly aıaqtaý jáne Keleshekti keńeıtý jobasyn 2024 jyly aıaqtaý josparlanýda. Ol munaı óndirýdi jylyna 12 mln tonnaǵa ulǵaıtýǵa múmkindik beredi. Jumystardyń jalpy ilgerileýi - 96%», - dedi Bolat Aqsholaqov.