Bıyl «Qazaqfılm» 10 tolyqmetrajdy kınofılmdi ekranǵa shyǵarady
ASTANA. 26 shilde. QazAqparat /Rýslan Ǵabbasov/ - Bıyl «Qazaqfılm» 10 tolyqmetrajdy kınofılmdi ekranǵa shyǵarady. Bul týraly búgin Úkimet otyrysynda QR Mádenıet mınıstri Muhtar Qul-Muhammed málim etti.
«Mınıstrliktiń mádenıet salasyndaǵy jumysynyń asa bir mańyzdy bóligi - ol ulttyq kınoóndiristi ári qaraı damytý. Sońǵy jyldary kıno salasynyń órkendeýi baıqalady», - dedi ol.
Mınıstrdiń paıymdaýynsha, prokattaǵy qazaqstandyq kartınalar úlesi men ulttyq fılmderge degen kórermenderdiń yqylasy arta túsýde. «Men qazaq kınosynyń osylaısha órkendeýi Táýelsizdik jyldarynda ǵana emes, tipti «Qazaqfılm» qurylǵannan bergi onyń tarıhynda buryn-sońdy bolmaǵandyǵyn nyq senimmen aıta alamyn. Sebebi, «Qazaqfılmniń» eń dańqty jyldarynyń ózinde bir jylda biz 4-5 fılm túsiretinbiz. Al 2011 jyly 10 tolyqmetrajdy kınofılmder ekranǵa shyǵarady», - dedi vedomsvo basshysy.
Onyń 4-iniń, ıaǵnı «Balalyq shaǵymnyń aspany», «Sýper Baha», «Joıýshy», «Jeruıyq» fılmderiniń tusaýkeseri ótti.
