Bıyl qazaq kúresinen «Eýrazııa barysy» týrnıri ótedi
ASTANA. 13 qarasha. QazAqparat - Bıyl tuńǵysh ret qazaq kúresinen «Eýrazııa barysy» týrnıri ótedi. Bul týraly búgin Astanada ashylǵan «Qazaq kúresiniń ótkeni, búgini men bolashaǵy» taqyrybyndaǵy I respýblıkalyq ǵylymı-tájirıbelik konferentsııada QR Sport jáne dene shynyqtyrý agenttigi tóraǵasynyń orynbasary Tańatbek Esentaev málim etti.
Onyń habarlaýynsha, bıyl ulttyq kúresten respýblıka boıynsha ótken jarystarǵa 150 myńnan astam palýan qatysty. «Endi, top jarǵan eń tańdaýly sportshylar teńdesi joq QR Prezıdenti Nursultan Nazarbaevtyń júldesine arnalǵan «Qazaqstan barysy» men «Jas barys» atty týrnırlerde óner kórsetedi. Sonymen qatar, bıyl 7 jeltoqsanda Taraz qalasynda tuńǵysh ret «Eýrazııa barysy» týrnıri óz jalaýyn kóteredi. Osynyń barlyǵy qazaq kúresin Azııa jáne Olımpıada oıyndarynyń baǵdarlamasyna engizý maqsatynda atqarylyp jatyr. Bul - bizdiń basty maqsatymyz», - deıdi T.Esentaev.
