Bıyl «Qazaq etnografııalyq entsıklopedııasynyń» besinshi tomy jaryq kóredi
ALMATY. QazAqparat- Bıyl Almatyda «Qazaq etnografııalyq entsıklopedııasynyń» besinshi tomy jaryq kóredi. Onda qazaqtyń dástúrli etnografııalyq kategorııalary, uǵymdary men ataýlar júıesi jasalǵan. Bul týraly búgin Memlekettik ortalyq mýzeıde ótken «Til - ult mádenıetiniń qazynasy» atty is-shara barysynda atalmysh mýzeıdiń ǵalym-hatshysy Ǵalııa Temirton málimdedi.
Onyń aıtýynsha, Memlekettik ortalyq mýzeı qazaq tiliniń damýyna ǵylymı turǵyda eleýli túrde úles qosyp keledi.
«Mýzeıde qazaq halqynyń kóne tarıhyna, mádenıetine, etnografııasyna qatysty myńdaǵan jádigerler saqtalǵan. Solardy bir retke keltirip, ǵylymı tizimdemesin jasaý - bizge paryz. 2011 jyly birinshi tomyn, 2012 jyly ekinshi jáne úshinshi tomyn shyǵardyq. Byltyr tórtinshi tomy basylǵan. Bıyl mine, kún demeı, tún demeı eńbek etip, besinshi tomyn jaryqqa shyǵarýǵa kúsh salyp jatyrmyz. Bul dúnıeler zertteýshi ǵalymdar úshin taptyrmaıtyn entsıklopedııa. Ondaǵy ataýlardyń, uǵymdardyń barlyǵy ǵylymı turǵyda ábden, elep-ekshelip, dáleldengen. Árbir kitapta 1200-1300-den astam sózder, uǵymdar, ataýlar, kategorııalar bar. Barlyǵy júıeli túrde jasalǵan. Ǵalymdar ózderiniń osyndaı eńbekteri arqyly qazaq tiliniń damýyna barynsha úles qosyp jatyr», - dedi óz sózinde Ǵalııa Temirton.
Aıta ketelik, Almatydaǵy Memlekettik ortalyq mýzeı - búkil Ortalyq Azııa boıynsha ǵylymı mártebesi bar jalǵyz mýzeı. ıAǵnı, ǵylymı-zertteý ınstıtýttarymen para-par jumys isteıdi.
