Bıyl qaýipti mıkroaǵzalarmen 2,4 mln. gektar astyq daqyldary zaqymdanýy múmkin
ASTANA. QazAqparat - QR Aýyl sharýashylyǵy mınıstrligi astyq daqyldarynyń qaterli mıkroaǵzalarmen zaqymdanýyn jáne shegirtkeniń taralýy qaýpin boljap otyr.
«2016 jyly asa qaterli zııandy aǵzalar 5.2 mln. gektar jerge taralýy boljanyp otyr, onyń ishinde shegirtke sekildi zııankes - 1,8 gektarǵa, astyq zaqymdaǵysh túngi kóbelek - 0,9 mln. gektarǵa, astyq daqyldarynyń aýrýlary - 2,4 mln. gektarǵa, sondaı-aq ózge de túrleri - 0,1 mln. gektar jerge taralýy yqtımal»,-dedi Ósimdik sharýashylyǵy ónimderin óndirý men qaıta óńdeý departamentiniń dırektory Ajar Qadjybekova Ortalyq kommýnıkatsııalar qyzmetindegi baspasóz máslıhatynda.
Onyń sózine qaraǵanda, aýyl sharýashylyǵy daqyldary boıynsha asa qaýipti zııankestermen qarsy kúres úshin respýblıkalyq bıýdjettik baǵdarlama aıasynda 4,6 mlrd. teńge bólindi.
