Bıyl qarjylandyrýdyń shoǵyrlandyrylǵan kózderi arqyly 1 mln. sharshy metrden astam turǵyn úı paıdalanýǵa beriledi - Ahmetjan Esimov
ALMATY. 10 tamyz. QazAqparat - Bıyl bıýdjet esebinen salynatyn turǵyn úı kólemi ótken jylmen salystyrǵanda 2 ese ósedi. Ony qala ákimi Ahmetjan Esimov búgin qurylysshylar kúnine arnalǵan saltanatty jıynda aıtty.
«Bıyl qarjylandyrýdyń shoǵyrlandyrylǵan kózderi arqyly 1 mıllıon sharshy metrden astam turǵyn úı paıdalanýǵa beriledi. Onyń 222 myń sharshy metri bıýdjet qarjysynan salynady. Bul ótken jylmen salystyrǵanda 4 ese kóp. Turǵyn úı kommýnaldyq keshenin jańartý baǵdarlamasy boıynsha 70 úı jóndeldi. Endi taǵy 200 úı jóndeledi. Ol byltyr Bostandyq aýdanynda bastaldy», - dedi A. Esimov. Qala ákiminiń aıtýynsha, eski qamys úıler buzyp onyń ornyna 4-5 qabatty ekonom synypty úıler salýǵa 2 mlrd. teńgeden astam bólingen. Bul jumys Túrkisib, Medeý jáne Almaly aýdandarynda júrgizilmek. Aldaǵy ýaqytta qalanyń ózge aýdandary da qamtylǵaly otyr.
